Müqavilə ilə işləyən müəllimlər və Təhsil. ŞİKAYƏT

Müqavilə ilə işə düzələn müəllimlərin daimiləşməsinin dayanması heç də düzgün qərar deyil. Öz qanunsuzluqlarını gizlətmək üçün bu addımı atdılar. Həm bu həddən artıq dərəcədə müəllimin haqqına girmək oldu, həm maliyyə cəhətdən bir şəxsin vətəndaş kimi ölkədə yaşamasına maneəçilik törədir. Müəllimlər var ki, illərdir müddətli müqavilə ilə işləyir. Bu çox gülünc haldır. Hər il başqa bir yerə düşüb işləyir. Hər il işləyir amma iş yeri yoxdur. Bu SÜRÜNDÜRMƏÇİLİKDİR.

Qeyd edək ki, şagirdlər də bu haldan çox əziyyət çəkirlər. Bu gün şagirdyönümlü təhsil sistemindən danışıb şagirdlərin hər il dəyişən müəllim problemindən əziyyət çəkməsi də göz önündədir. Bunu görməzdən gəlmək olmaz!
Elə məktəblər var ki, direktorlar, müəllimlər, valideynlər, şagirdlər-hər kəs hər il müəllimin dəyişməsindən və hər dəfə fərqli bir müəllimlə qarşılaşmaqdan beziblər. Dərs proqramı qarışır, uşaqlar adaptasiya ola bilmirlər. Valideynlər, ümumiyyətlə, bu halın şagirdlərin təhsilində ciddi problemlər yaratdığını düşünür. Hər il, görəsən, bu il kimi göndərəcəklər, o necə öyrədəcək, uşaqların dərsləri necə olacaq deyə düşünməkdən bezirlər. Üstəlik bəzən müddətli gələn müəllimlər də yorulur və motivasiya olmadığı üçün dərsə ciddi şəkildə yanaşmırlar.
Emin Əmrullayev çıxış edir ki, bəzi bölgələrdə heç müəllim yoxdur. Belə baxıram ki, bunun üçün də öz xeyirlərinə bir qərar verəcəklər, heç kim üçün doğru olmayacaq bu qərar ortaya çıxaracaqlar.