Əhmədabad kənd tam orta məktəbinin "qara yara"sına çevrilən narkotacir haqda niyə ölçü götürülmür? - ŞOK FAKTLAR
Azərbaycanda təhsil sahəsinə milyonlarla vəsait ayrılsa da, bu pullar təəssüf ki, lazımı yerlərə və aidiyyatı üzrə xərclənmir. Təbii ki, vəziyyətin bu cür acınacaqlı olmasında birbaşa təhsil sisteminə rəhbərlik edən şəxslər məsuliyyət daşıyır. Təhsil sisteemində rüşvət və anarxiyanın tüğyan etməsi ilə bağlı dəfələrlə tutarlı faktlarla məlumatlar paylaşmışıq. Lakin təəssüflər olsun ki, heç bir nəticə hasil olmayıb.
Elə nəticəsi olmayan təhsil müəssisələrindən biri də Sanirabad rayon Əhmədabad kənd tam orta məktəbidir. Hansı ki, bu məktəblə bağlı şikayətlərin və qalmaqalların ardı-arası kəsilmir.
Tehsil.MEDİA xəbər verir ki, adıçəkilən təhsil ocağı daha çox məktəb qanunları ilə deyil, kriminal qaydalarla idarə olunur. Buna yol açan şəxs isə direktor Şahzadə Şahzəddinovdur. Bəli, məhz direktor məktəbdə kriminal keçmişə sahib olan cinayətkar ünsürləri işçi kimi saxlayaraq onlardan öz maraqları üçün istifadə edir. Aydındır ki, burada maraq "Əl əli yuyar, əl də üzü" misalının tətbiqi ilə bağlıdır.
Məsələ burasındadır ki, ümumiyyətlə diplomu olmadığı halda Əhmədabad kənd tam orta məktəbində loborant kimi çalışan
Muradov Nurəddin Musa oğlu əvvəllər qanunsuz olaraq narkotik maddələrin satışı ilə məşğul olduğu üçün Cinayət Məcəlləsinin 234-cü maddəsi ilə 8 il cəza alıb. Üstəlik, bu şəxsin ayağında 6-7 ay öncəyə qədər qandal olub. Digər tərəfdən, Nurəddin Muradovun əmək müqaviləsinin də vaxtı bitmək üzrədir. Amma görünən odur ki, direktor onun müqaviləsini uzadacaq. Çünki bu şəxs öz kriminal keçmişi ilə məktəbin şagirdlərinə pis nümunə olsa da, direktorun "işinə" yarayır və onun maraqlarını təmin edir.
Ən maraqlısı isə odur ki, Mil-Muğan Regional Təhsil İdarəsinin rəhbərliyi də bu şəxs və ümumiyyətlə məsələ haqda heç bir ölçü götürnür. Görünən odur ki, Mil-Muğan Regional Təhsil İdarəsinin rəhbərliyi də keçmişi qaranlıq olan, narkotik ticarəti həyata keçirən, gələcəyimiz olan gəncləri "ağ ölüm"lə zəhərləyən bu şəxslə birgə fəaliyyət göstərir. Ona görə də, illərdir Əhmədabad kənd tam orta məktəbinin "qara yara"sına çevrilən bu şəxs işdən azad edilmir. Eyni zamanda Elm və Təhsil NAzirliyi, eləcə də MÜTDA rəhbərliyi də bu problemlə maraqlanmır və lazımı addım atılmır.
Beləliklə, məktəb təhsil ocağından daha çox kriminal obyektə bənzəyir. Bütün bu hadisələrdən məktəbin direktoru Şahzadə Şahzəddinov xəbərdar olsa da, məsələni ört-basdır etməyə çalışır. İşin üstü açılanda isə bütün günahları keçmiş direktorun üzərinə atmaqla vəziyyətdən çıxmağa çalışır. Hətta bu azmış kimi direktor günahları Mil-Muğan Regional təhsil idarəsinin üzərinə atmaqdan belə çəkinmir. Ümid edirik ki, sadalanan bu iddialar və faktlarla bağlı aidiyyatı qurumlar tədbir görəcəklər və bir təhsil ocağı kriminal obyekt olmaqdan xilas ediləcək.
tehsilmedia.info
