Tələbələr bu hiyləylə imtahanlardan keçirlər – ŞOK AVADANLIQ

Bildiyimiz kimi, universitetlərdə imtahan sessiyası başlayıb. Hazırlaşıb öz zəhməti ilə yüksək bal alanlar da var, imtahandan keçmək üçün müxtəlif üsullardan istifadə edənlər də. Yaxınlığındakı dostundan köçürmək, imtahana xırda qeyd vərəqələri daxil etmək və yaxud telefon keçirtmək hər kəsin bildiyi üsullardandır. Son zamanlar başqa bir üsul geniş yayılıb. Təbii ki, bu üsul tələbənin özünü geri atır.

Mikroqulaqlıqlar-hazırda öz biliyinə etibar etməyən, öz savadı ilə cavab verənlərin haqqını əlindən alan tələbələrin ən çox əl atdığı üsuldur. Tələb varsa, ortaya işbazlar daxil olur. Sosial şəbəkələrdə kiçik bir axtarış kifayət edir ki, bu vasitənin satışını həyata keçirən yüzlərlə səhifəyə rast gələsən. Təkcə satışı yox, tələbələrə 1 günlük icarəyə də verilir. Qulaqlığın imtahanda problem yaratmadığına da zəmanət verilir.

Universitetlər də texnologiyanın bu imkanlarından və əlçatanlığından xəbərdardırlar. Tələbələr yeni üsullara əl atdıqca ali təhsil müəssisələri də nəzarəti gücləndirir.
Bu üsullardan istifadə edib imtahanlardan keçən olur. Amma sadəcə bəxti gətirir deyək.
Universitetlərdən bildirildi ki, tələbələrdə belə vasitələr aşkar edildikdə onlar xaric edilməklə yanaşı, bu qurğuları təhsil müəsissəsi müsadirə edir.
Belə olduqda tələbə həm imtahandan kəsilir, həm də maddi cəhətdən itirir. Tutulmadığı halda isə daha çox itirir. Özünəinamını, vicdanını və xarekterini...

TƏHSİL MEDİA