Müəllimlərin qarşılaşdıqları şagird problemləri

Son zamanlar təhsildə bıçaqlanma və cinsi istismar haqqında yayılmış xəbərlər müəllimlərin də oğlan şagirdlər haqqında öz müşahidələrini sosial şəbəkələrdə bölüşməsinə təkan vermişdir. Müəllimlər həmin oğlan şagirdlərin fərqli düşüncələr içərisində olduğunu, fərqli həyata baxışları olduğunu vurğulayırlar.

Görünən odur ki, bəzi şagirdlər sözün əsl mənasında öz üzərində çalışıb uğur qazanmağa çalışan şagirdlərdir. Hansı ki bu şagirdlərin idealları var. Günün çox hissəsini hazırlıqda keçirir, dərslərini yaxşı oxuyub məqsədlərinə çatmağa çalışırlar.

Bu şagirdlərdən bir qismi isə maddi imkanları olmadığından həyata daha erkən atılmış və müxtəlif yerlərdə, xüsusən marketlərdə və şadlıq sarayları, kafe kimi yerlərdə işləyərək ailələrinə maddi cəhətdən dəstək olurlar. Bu da həmin şagirdlərin yorğun, yuxusuz, həvəssiz dərsə yanaşması ilə özünü göstərir.

Şagirdlərdən bir qismi və ən təhlükəlisi məhz özlərinə dəstə düzəldib quldurçuluq, mafya olmaqla arzuları ilə dolaşanlardır. Böyülük edib ətrafına adam toplayıb həyatını, gələcəyi, eləcə də, cəmiyyəti korlayanlardır.

Gəlin indi buna qanuni cəhətdən baxaq, bu şagirdlər məktəbdə daxili nizam intizam qaydalarını yerinə yetirməlidirlər.

Ödənişsiz psixoloji yardım almaq hüquqları var.

Diaqnostik qiymətləndirmə zamanı uşağın ilkin bilik və bacarıqları ilə yanaşı, eyni zamanda maddi vəziyyəti, psixoloji vəziyyəti, düşüncəsi, yanaşması hər şey müəyyənləşdirilməlidir.

Sinif rəhbərinin vəzifələri və hüquqları var.

Şagirdin vəzifələri var və mütləq şəkildə onları yerinə yetirməlidir.

Portfolio qiymətləndirilməsi var, hansı ki, şagirdə aid bütün bu və bu kimi qeydlərin olduğu və mütəmadi şagird, müəllim, valideyn tərəfindən qiymətləndirilməlidir.

Bu faktları artıra bilərik. Hər vəziyyətdə müəllim-şagird-valideyn və məktəb kollektivi problemi vaxtında aşkarlamalı və dərhal lazımi tədbirləri görməlidir. Problem daha kiçik ikən həll olunursa, daha sonra qarşısıalınmaz hala gəlməz.

Onu da qeyd etmək istərdik ki, bu kiçi hallarda sadəcə müəllimi günahkar etmək olmaz. Sinif rəhbəri deyil, eyni zamanda digər müəllimlər, məktəb kollektivi, valideyn, psixoloq-hər biri bu işdə günahkardır. Eyni zamanda, problemin həlli üçün də bu tərəflər vahid olaraq hərəkət etməlidir. Yoxsa bu halların qarşısını almaq olmaz.