Bu universitetdə təkrar ali təhsil üçün sənəd qəbulu uzadılıb

Azərbaycan Dövlət İqtisad Universitetində (UNEC) 2026/2027-ci tədris ili üçün təkrar ali təhsilə sənəd qəbulunun qeydiyyat müddəti sentyabrın 4-dək uzadılıb.

Bu barədə Tehsilmedia.com-a UNEC-dən məlumat verilib.

Bildirilib ki, təkrar ali təhsilə sənəd qəbulu elektron qaydada //portal.edu.az/ və //www.kabinet.unec.edu.az portalları vasitəsilə həyata keçirilir.

Təkrar ali təhsil almaq istəyənlər aşağıdakı sənədləri elektron formada təqdim etməlidirlər:

•Rektorun adına ərizə;

•Ali təhsil haqqında sənədin (diplomun) notarial qaydada təsdiqlənmiş surəti (diploma əlavə ilə birlikdə);

•3x4 sm ölçüdə fotoşəkil;

•Şəxsiyyət vəsiqəsinin surəti.

QEYD: 1993-cü ildən sonra xarici ölkələrdə ali təhsil almış şəxslər yalnız diplomları mövcud qaydada Azərbaycan Respublikası Elm və Təhsil Nazirliyi tərəfindən tanındıqdan sonra universitetdə təkrar ali təhsil ala bilərlər.

Telefon: (012) 564-38-92.

Mobil: (070) 578-08-59 (WhatsApp); (055) 875-04-33