Son illər məktəb tikintisi ilə bağlı bir çox işlər görülüb - Direktor
"Hazırda Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin fəaliyyət planının təsdiqi ilə məşğuluq".
tehsilmedia.info xəbər verir ki, bunu agentliyin direktoru Eşqi Bağırov "Effektiv kommunikasiya" mövzusunda keçirilən seminarda deyib.
Bildirib ki, təhsilalanların nailiyyətlərin izlənilməsi, peşəkar təhsilverənlərin formalaşdırılması, şəffaf idarəetmənin tətbiqi və müasir təhsil infrastrukturunun yaradılması əsas hədəflərdəndir.
"Mediada işıqlandırılan ən aktual mövzulardan biri də məktəblərin vəziyyəti ilə bağlıdır. Deyə bilərik ki, son illər məktəb tikintisi ilə bağlı bir çox işlər görülüb. 50-yə yaxın məktəb yenidən bərpa olunub. Təhsil müəssisələrində təmir-tikinti işlərinin prioritetlər üzrə aparılması gələn il üçün qarşımızda qoyulan fəaliyyət istiqamətlərindən olacaq".
