50 uğurlu şagirdin Riyaziyyat müəllimi Ağayeva Vüsalə
Hörmətli Vüsalə xanım, əvvəlcə,istəyərdik ki, oxucularımız üçün özünüzü təqdim edəsiniz.
Mən Ağayeva Vüsalə Firdovsi qızı İsmayıllı rayonunda dünyaya göz açmışam. Riyaziyyat müəllimi ixtisası üzrə fəaliyyət göstərirəm. Riyaziyyat ixtisasını sevərək seçmişəm. Bu ixtisasa mən hobbi kimi baxıram. Əslində riyaziyyatla məşğul olanda əylənirəm .
Təhsildə hansı uğurlarınız mövcuddur? Uğurlarınızı nəyə borclusunuz?
Təhsildə hələ onuncu sinifdə oxuyarken fizika fənnindən Respublika üzrə üçüncü yerə layiq görülmüşəm. Keçmiş nazir Misir Mərdanovdan gümüş medal ve tərifnamə ilə məni təltif edib. Təhsildə bu yaxınlarda Mərkəzi bankın keçirdiyi müsabiqədə Respublikada ilkə imza ataraq müsabiqənin şərtlərinə uyğun olaraq *50* nəfər uğurlu şagirdi qalib etmişəm və mən də bir müəllim kimi ilkə imza atmışam. Buna görədə *Mərkəzi bank* məni xüsusi dəyərli hədiyyələr, sertifikat və təşəkkürnamə ilə təltif edib. Ən son sertifikasiya imtahanında mümkün olan 60 baldan 51 bal yığaraq uğur qazanmışam.
Peşənizi sevərək yerimə yetirməyiniz məlumdur. Bəs bu peşədə çalışarkən hansı çətinliklərlə qarşılaşmısınız?
Peşəmi çox həddən artıq çox sevirəm. Bütün çətinliklərinə dözürəm. Çünki sevirəm.
Müəllimlik peyğəmbərlik sənətidir. Siz bu ifadəyə necə münasibət göstərirsiniz?
Peyğəmbərimiz deyib ki, mənə bir hərf öyrədən in 40 il köləsi olaram. Hərdən şagirdlərimlə məşğul olanda, onlara yeni, kitabda olmayan, xarici ədəbiyyatlardan olan məlumatları da öyrədən də müəllimliyin peyğəmbərlik sənəti olduğunu bir daha başa düşürəm.
Müəllim - valideyn-uşaq münasibətini necə yaradırsınız? Sizcə, həqiqətən önəmlidir?
Müəllim - şagird -valideyn münasibətləri ayrılmaz üçlükdür. Əlbəttə, valideynsiz nəticə əldə etmək çətindir düşünürəm.
Təhsildə davamlı keçirilən təlimlər haqqında nə düşünürsünüz?
Təhsildə davamlı təlimlərin olması çox vacibdir. Günü gündən inkişaf edən təhsilimiz üçün təlim olmazsa olmazdır.
Təhsil sistemində baş verən dəyişikliyə münasibətiniz necədir?
Təhsil sistemində baş verən dəyişiklikləri mən çox alqışlayıram. Dünya dəyişdikcə, texnologiya dəyişir,əlbəttə, təhsildə dəyişilməlidir. Dəyişən ehtiyaclarımızı təhsil ödəməlidir.
Təhsilin insan həyatındakı rolu nədən ibarətdir?
Təhsil insanın insan kimi yaşaması üçün ən önəmli faktordur. Mən təhsilə çox önəm verirəm. Parlaq gələcək dedikdə -Təhsil başa düşürəm.
Uşaqlarla işləmək sizdə hansı düşüncələri formalaşdırır?
Uşaqlarla işləmək həm çətin ,həm məsuliyyətli, həm də əyləncəlidir. Uşaqlar özləri təhsilin önəmini hələ başa düşmürlər. Lakin biz müəllimlər həm pedaqoq, həm tərbiyəçi, həm də fasilitatoruq.
Təhsil sistemində dəyişiklik etmək istəsəydiniz nəyi dəyişərdiniz?
Təhsil sistemində imkanlar daxilində güclü, orta, zəif şagirdləri kateqoriyaya bölünməyini, onların potensial imkanlarına uyğun dərs keçilməsini istəyərdim.
İşlədiyiniz müddətdə sizə xoş təsir edən ya da maraqlı hansı xatirəniz var?
Mən bir çox məktəblərdə, çox kollektivlərdə işləmişəm. Hal-hazırda işlədiyim İsmayıllı şəhər 7 nömrəli tam orta məktəbin rəhbərliyindən Etibar Abdulovdan və dəyərli kollektivimdən cox razıyam. Bu kollektiv o qədər doğma olduki artıq heç bir məktəbə yerdəyişmə etməyi hələki düşünmürəm.
Bir müəllim kimi sizi nə xoşbəxt edir?
Bir müəllim kimi məni şagirdlərlə öz övladlarım kimi işləmək məni xoşbəxt edir.
Uşaqlarla işləmək üçün insana nə lazımdır?
Uşaqlarla işləmək üçün insana empatiya qurmağı bacarmaq, onları sevmək, əzizləmək lazımdır.
Son olaraq sizi izləyənlərə, gənclərə nə tövsiyyə edərsiniz?
Məni izləyənlərə ilk növbədə tövsiyyəm odur ki, həqiqətən şagirdləri sevin, nə qədər sevsəniz uğurunuz da o qədər çox olacaq.
