Heydər Əliyevin 100 illik yubileyinə həsr olunmuş beynəlxalq basketbol turniri yekunlaşıb - FOTO
Mayın 15-də "Sərhədçi" İdman Olimpiya Mərkəzində Elm və Təhsil Nazirliyi və Azərbaycan Basketbol Federasiyasının birgə təşkilatçılığı ilə ümummilli lider Heydər Əliyevin 100 illik yubileyinə həsr olunmuş beynəlxalq basketbol turnirinin final oyunu keçirilib.
tehsilmedia.info xəbər verir ki, final mərhələsində AzTU (Azərbaycan) və LDU (Rusiya) basketbol komandaları qarşılaşıb. Maraqlı mübarizə şəraitində davam edən qarşılaşmada LDU (Rusiya) birinci, AzTU (Azərbaycan) basketbol komandası ikinci yerdə qərarlaşıb. TTK (Türkmənistan) komandası isə üçüncü yerin sahibi olub.
Qeyd edək ki, azarkeşlər turnirin bütün oyunlarını federasiyanın yutub kanalı vasitəsilə canlı izləyib.
Final oyununu isə "CBC Sport” telekanalı vasitəsilə canlı yayımlanıb.
