ETN başqalarının gözündə tük axtarır?

ETN yönlü jurnalistlər sosial şəbəkələrdə davamlı sual edirlər ki, DİM bu gün müsabiqə nəticələrini elan etməliydi, niyə elan etmir?


ETN 25 ldir təhsilimizi çökdürüb, xalqın və dövlətin inkişafını 25 ildir ləngidir, elm və təhsilə aid bütün qlobal reytinqlərdə siyahının sonundayıq. ETN-nin səriştəsizliyi səbəbi ilə inkişafımızın 25 illik ləngiməsindən heç belə narahat olmurlar, amma DİM bir gün nəticələri ləngidib, tez hay-küy salırlar.

Yaxşı olardı ki, ETN-ə sual verilərdi:
1. "DİM 2026 Hesabatı"na dair niyə 2 aydır cəmiyyətə və hökumətə izahat verilmir?
2. Baş nazirin "diplomlarımız heç Türkiyədə də tanınmır" iradına 6 aydır niyə cavab verilmir?

Elə anlaşılmasın ki, biz hansısa qurumun tərəfini tuturuq, yox, düzü düz, əyrini əyri yazırıq.
İndi nə edək ki, ETN-nin heç bir uğurlu işi yoxdur? Yalan yazaq?

DİM-in ölkənin inkişafında rolu azdır, ETN-nin isə rolu bundan dəfələrlə çox ola bilərdi, əgər səriştə və peşəkarlıq olsaydı.
Mühüm olan sahənin problemlərinə göz yumub, daha az əhəmiyyətli qurumun fəaliyyətini tənqid etmək, ən azı haqsızlıq olardı.
DİM-in fəaliyyəti peşəkarlıq baxımından ETN-nin fəaliyyətindən xeyli yüksəkdədir. Bunu bütün ölkə yaxşı bilir.
Digər tərəfdən biz dəfələrlə yazmışıq ki, ali məktəblərə tələbə qəbulu attestatla olsun. Əgər ETN normal işləsəydi, əslində heç DİM-ə ehtiyac da olmazdı.
TQDK-nın vaxtilə niyə yaranması hamıya məlumdur.
ETN 28 ildir arzulayır ki, DİM onun tabeliyinə verilsin. Allah eləməsin, bu arzu çin olsa, hansı müsibətlərin olacağını da bütün ölkə çox yaxşı bilir.

İlham Əhmədov