Qələbəmizin izləri adlarda: Zəfər adı daşıyan uşaqların SAYI

Azərbaycan xalqı bu il Vətən müharibəsində qazandığı tarixi Zəfərin 6-cı ildönümünü qeyd edir. 8 Noyabr – Zəfər Günü ölkəmizin tarixində mühüm yer tutmaqla yanaşı, xalqımızın yaddaşında əbədi yaşayacaq qələbənin rəmzidir. Bu tarixi hadisə uşaqlara verilən adlarda da öz əksini tapıb. Belə ki, son illərdə valideynlər övladlarına Zəfər adını verməyə xüsusi maraq göstəriblər.

Maraqlıdır, son illərdə neçə uşağa Zəfər adı verilib?

Mövzu ilə bağlı azedu.az-ın Ədliyyə Nazirliyindən əldə etdiyi məlumata istinadən, Tehsilmedia.org xəbər verir ki, 2020-ci ildə 110, 2021-ci ildə 125, 2022-ci ildə 82, 2023-cü ildə isə 35 körpəyə Zəfər adı verilib. Sonrakı illərdə də bu adla qeydiyyata alınan uşaqların sayı belə olub: 2024-cü ildə 53, 2025-ci ildə 26, 2026-cı ildə isə 18 nəfər.

Beləliklə, 2020-2026-cı illər ərzində ümumilikdə 449 uşağa Zəfər adı verilib.

Qeyd edək ki, Prezident İlham Əliyevin 3 dekabr 2020-ci il tarixli Sərəncamı ilə Azərbaycanda Zəfər Günü təsis edilib. Sərəncama əsasən, hər il noyabrın 8-i ölkəmizdə Zəfər Günü kimi təntənəli şəkildə qeyd olunur.