BDU Elmi Kitabxanasından növbəti kitab bağışlama aksiyası
Bakı Dövlət Universitetinin (BDU) Elmi Kitabxanası Nərimanov rayon Mərkəzləşdirilmiş Kitabxana Sisteminə (MKS) 572 nüsxə ədəbiyyat hədiyyə edib.
Bu barədə "tehsilmedia.info"a BDU-dan bildirilib.
Kitabxananın mübadilə-ehtiyat fondundan Nərimanov rayon MKS-in filiallarında daha çox ehtiyac duyulan elmi, bədii, tədris ədəbiyyatı seçilərək təhvil verilib.
Hədiyyə olunan ədəbiyyatların içərisində BDU-nun mətbəəsində çap olunan “Bakı Universitetinin Xəbərləri” jurnalının son illərdəki buraxılışları, ayrı-ayrı fakültələrin keçirdiyi konfransların materialları, həmçinin Universitetin professor-müəllim heyətinin müəllifi olduğu dərslik və dərs vəsaitləri də yer alıb.
