Azərbaycanda zəlzələ ilə bağlı dağıntı və təlafat yoxdur
İlkin məlumata əsasən, zəlzələ ilə əlaqədar olaraq dağıntı və təlafat barədə məlumat daxil olmayıb.
Bu barədə TƏHSİL MEDİA-ya FHN-dən bildirilib.
Qeyd edək ki, iyulun 4-də Xəzər dənizinin Azərbaycan sahillərində 5,7 maqnitudalı zəlzələ baş verib.
TƏHSİL MEDİA xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.
Zəlzələ yerli vaxtla saat 00:01-də qeydə alınıb.
Məlumata əsasən, yeraltı təkanların episentri Xaçmaz rayonundan 80 kilometr şimal-şərqdə, ocağı isə 20 kilometr dərinlikdə yerləşib.
