Xaricdə təhsil vəd edən şirkətlərin dələduzluğu: Mütəxəssislər HƏYƏCAN TƏBİLİ ÇALIR

Xaricdə təhsil almaq istəyənlərin çoxu bu sahədə xidmətlər təklif edən təhsil şirkətlərinə müraciət ünvanlasa da, arzuları ürəklərində qalır. Vətəndaşlar xaricdə təhsil vəd edən şirkətlərin qurbanına çevrilir. Mütəxəssislər deyir ki, attestatla yalnız xaricdə daha prestijli imkan yaradan bu şirkətlərlə əməkdaşlıq etməzdən əvvəl proseslərin hüquqi formada aparılmasından əmin olmaq lazımdır.

Təhsil eksperti Kamran Əsədov "tehsilmedia.info"a açıqlamasında bildirib ki, əvvəla bu şirkətin nə qədər müddətdir fəaliyyət göstərdiyinə baxmaq lazımdır: "Biz görürük ki, bu şirkətlər hər il müxtəlif adlar altında fəaliyyət göstərirlər. Valideynlər xaricdə təhsil şirkətləri ilə rəsmi olaraq müqavilə bağlamalıdırlar. Ödənişlər elektron formada bank hesabı vasitəsilə ödənilməlidir. Əgər bir problem yaranarsa, o zaman pullarını geri götürə bilsinlər".

Ekspertin sözlərinə görə, tələbələrin ürəyinə xof salan məsələlərdən biri də, diplomun tanınmamasıdır: "Diplomun tanınması üçün vətəndaşlar Elm və Təhsil Nazirliyinin elektron ünvanına müraciət edə bilərlər. Burada əsas məsələ həmin universitetin akreditasiyasının olmasıdır.

Ülkər Abdurahmanlı