“Azərbaycan terminoqrafiyasının konseptual əsasları” monoqrafiyası nəşr olunub

Azərbaycan Respublikası Nazirlər Kabineti yanında Terminologiya Komissiyasının sədr müavini, AMEA Nəsimi adına Dilçilik İnstitutunun Terminologiya şöbəsinin müdiri, filologiya elmləri doktoru, professor Sayalı Sadıqovanın “Azərbaycan terminoqrafiyasının konseptual əsasları” (Bakı, “Optimist”, 2023, 704 s) monoqrafiyası nəşr olunub.

Bu barədə "tehsilmedia.info" a imstitutdan bildirilib.

Kitabın redaktorları akademik Nizami Cəfərov, professor Nadir Məmmədli, rəyçiləri professor İsmayıl Məmmədli və Məsud Mahmudovdur.

Əsərdə termi­noloji lüğətlərin tərtibi qaydalarını və prin­sip­lə­ri­ni özün­də əks et­di­rən termoqrafiyanın dilçiliyin müstəqil sahəsi kimi inkişafı və onun nəzəri əsasları ilk dəfə sistemli şəkildə araşdırılıb. Müəyyənləşdirilib ki, ter­mi­noq­ra­fi­ya­nın təd­qi­qat ob­yek­ti­ni ter­mi­no­lo­ji sis­te­mi özün­də əks et­di­rən ter­mi­no­lo­ji lü­ğət­lə­rin tər­ti­bi prin­sip­lə­ri ilə əla­qə­dar nə­zə­ri və praktik mə­sə­lə­lər təş­kil edir. El­min müx­tə­lif sa­hə­lə­ri ilə bağ­lı ter­mi­no­lo­gi­ya­nı özün­də əks et­di­rən ter­mi­no­lo­ji lüğətlər­də ter­mi­no­lo­ji va­hid­lə­rin ni­za­ma sa­lın­ma­sı­, standart­laş­ma­sı­ və onların tər­tib olun­ma qaydaları­, lü­ğət­lər­də ve­ril­mə üsul­la­rı­, tər­tib edil­mə prin­sip­lə­ri­ verilib. Tər­tib olu­nan lü­ğət­lə­rin funk­si­ya­sı, ter­mi­no­lo­ji tər­cü­mə, izahlı, en­sik­lo­pe­dik lü­ğət­lə­rin, izah­lı-tər­cü­mə lü­ğət­lə­ri­nin tər­ti­bi məsələləri və onlara verilən tələblər monoqrafiyada geniş şəkildə şərh olunub. Ter­mi­no­lo­ji lüğətlər və onların in­ki­şa­fı­ müxtəlif dövrlərə ayrılaraq (1920-1930-cu il­lər; 1930-1940-cı il­lər; 1940-1950-ci il­lər; 1950-1960-cı il­lər; 1960-1980-ci il­lər; 1980-1990-cı il­lər; 1990-cı il­lər­dən son­ra­kı dövr) ümu­mi və xü­su­si prin­sip­lər təhlil olunub.