BDU ilk dəfə olaraq “QS Sustainability 2024” reytinqində yer alıb

Nüfuzlu “QS Quacquarelli Symonds” agentliyi tərəfindən tərtib olunan “QS Sustainability 2024” reytinqi üzrə qlobal nəticələr elan olunub. Bakı Dövlət Universiteti (BDU) ilk dəfə olaraq “QS Sustainability 2024” reytinqində yer alıb.

tehsilmedia.info xəbər verir ki, bu barədə "Tehsil.biz"ə BDU-dan məlumat verilib.

Dünya üzrə 1403, Azərbaycandan sadəcə 2 ali təhsil müəssisəsinin yer ala bildiyi reytinqdə Bakı Dövlət Universiteti ekoloji davamlılıq (enviornmental sustainability) indikatoru üzrə 241-ci yerdə qərarlaşıb. Adıçəkilən reytinq universitetlərin təhsil və tədqiqat vasitəsilə sosial və ətraf mühitə təsirini müəyyən olunmuş meyar və indikatorlar üzrə qiymətləndirir.

“QS Europe 2023” reytinqində BDU fakültə-tələbə (faculty-student ration) nisbətinə görə Avropa üzrə 90-cı, Azərbaycan üzrə isə 1-ci yerdə qərarlaşıb. Beynəlxalq tədqiqat şəbəkəsi (International Research Network) indikatoru üzrə BDU Azərbaycan ali təhsil müəssisələri arasında 1-ci olaraq müəyyənləşib.