Direktor işləmək istəyənlərin ən çox maraqlandığı sualların CAVABLARI
Məktəb direktorlarının işə qəbulu müsabiqəsinin elektron sənəd qəbulu mərhələsi başlayıb. Müsabiqəyə qatılmaq istəyən namizədləri prosesin mərhələləri, qiymətləndirmə meyarları və müsahibə qaydaları ilə bağlı bir sıra suallar maraqlandırır.
Tehsilmedia.com xəbər verir ki, Məktəbəqədər və Ümumi Təhsil üzrə Dövlət Agentliyi namizədləri ən çox maraqlandıran suallara cavab verərək prosesə aydınlıq gətirib.
Dövlət ümumi təhsil müəssisələrində direktor vəzifəsinə işə qəbul üzrə müsabiqədə kimlər iştirak edə bilərlər?
- Pedaqoji və ya idarəetmə ixtisas sahələri üzrə ali təhsili, 5 ildən az olmayaraq (elmi dərəcəsi və elmi adı olduqda 3 il) pedaqoji stajı olan, qaydalara uyğun minimum bal tələbini ödəyən və hazırda ümumi təhsil müəssisələrində pedaqoji fəaliyyətlə məşğul olan şəxslər müsabiqədə iştirak edə bilərlər.
Müsabiqədə iştirak üçün bal tələbi necə müəyyən edilir?
Şagird sayı 501-dən çox olan təhsil müəssisələrinə müraciət edən namizədlər təhsilalanların sertifikatlaşdırılması prosesinin test imtahanı mərhələsində 51 bal və daha yuxarı nəticə göstərməlidirlər. Təhsilalanların sertifikatlaşdırılması prosesinin test imtahanında iştirak etməmiş namizədlər isə müəllimlərin işə qəbulu müsabiqəsinin, müəllimlərin diaqnostik qiymətləndirilməsinin test imtahanında və ya ixtisas bilikləri imtahanında 85% və daha yuxarı nəticə göstərməlidirlər.
Şagird sayı 500-dən az olan təhsil müəssisələrinə müraciət edən namizədlər təhsilalanların sertifikatlaşdırılması prosesinin test imtahanı mərhələsində 42 bal və daha yuxarı nəticə göstərməlidirlər. Təhsilalanların sertifikatlaşdırılması prosesinin test imtahanında iştirak etməmiş namizədlər isə müəllimlərin işə qəbulul müsabiqəsinin, müəllimlərin diaqnostik qiymətləndirilməsinin test imtahanında və ya ixtisas bilikləri imtahanında 70% və daha yuxarı nəticə göstərməlidirlər.
Namizədlər müsahibə mərhələsinə necə dəvət edilir?
-Namizədlər qaydalara uyğun olaraq ardıcıllıq prinsipi əsasında mərhələli şəkildə müsahibəyə dəvət edilirlər.
Müsahibə mərhələsində namizəd hansi meyarlar üzrə qiymətləndirilir?
- Namizəd aşağıdakı meyarla üzrə qiymətləndirilir:
* liderlik və strateji idarəetmə bacarıqları;
* pedaqoji və tədris bacarıqları;
* idarəçilik və təşkilatçılıq bacarıqları;
* ünsiyyət və əlaqə bacarıqları;
Ötən müsabiqələrdə iştirak etmiş namizədlərin nəticələri nə zaman elan ediləсәк?
-Daha öncə baş tutan müsabiqələrdə iştirak etmiş namizədlərin nəticələrinin yeni tədris ili başlanılanadək elan edilməsi gözlənilir.
* problemlərin həlli və qərarvermə;
* rəqəmsal və texnoloji bacarıqlar;
* sosial və emosional bacarıqlar.
Öncəki müsabiqələrdə iştirak etmiş namizədlər cari müsabiqədə iştirak edə bilərmi?
-Bəli. Öncəki müsabiqələrdə iştirak etmiş namizədlərin cari müsabiqədə iştirakına heç bir məhdudiyyət qoyulmur.
