Türkiyənin Mərmərə Universitetinin nümayəndələri BANM-də olublar

Türkiyənin Mərmərə Universitetinin İqtisadiyyat fakültəsinin baş katibi Eda Ünlü, Atatürk Təhsil fakültəsinin katibi Erkan Ünlü, Tələbə işləri üzrə Filial müdiri Nural Tekeli Erasmus+ proqramı çərçivəsində SOCAR-ın Bakı Ali Neft Məktəbində (BANM) olublar.

Bu barədə "TehsilMedia/az"a BANM-dən bildirilib.

Türkiyəli qonaqlar BANM-in kampus ərazisini gəzib, laboratoriyalar, kitabxana, idman kompleksi və tələbələr üçün yaradılan şəraitlə yaxından tanış olublar.

Daha sonra ali məktəbin Erasmus+ və Beynəlxalq Proqramlar Ofisində qonaqlarla görüş keçirilib. Görüşdə proqram çərçivəsində əməkdaşlığın genişləndirilməsi, qarşılıqlı əlaqələrin inkişafı istiqamətində müzakirələr aparılıb.