Tələbə yataqxanalarındakı qiymətlər və ümumi vəziyyətlə bağlı MÜHÜM MƏLUMAT - ARAŞDIRMA

İxtisas seçiminin nəticələri açıqlanan kimi tələbələr paytaxta münasib qiymətə ev axtarışına çıxacaq. Bəs yataqxanaların qiytməti tələbələrin cibinə uyğundurmu?

tehsilmedia.info bununla bağlı kiçik bir araşdırma aparıb. Öncə qeyd edək ki, yataqxanaların qiyməti şəraitinə görə bir-birindən fərqlənir.
Məsələn, Bakı Dövlət Universitetinin 5 mərtəbəli yataqxasında 1 nəfər üçün aylıq ödəniş 75 manatdır. Azərbaycan Memarlıq və İnşaat Universitetinin tələbə şəhərciyinin aylıq qiyməti 60 manatdır. AZMİU-nun İctimaiyyətlə əlaqələr şöbəsinin müdiri Nicat Abdullayev bildirib ki, burada 450-ə yaxın tələbə yerləşdirə bilirlər. Tələbələrin istifadəsinə verilən yataqxana hər cür şəraitlə təmin olunub. Tələbələrdən alınan aylıq ödəniş yataqxananın aylıq xərclərinin qarşılanması üçündür.

Məlumat üçün bildirək ki, Azərbaycan Tibb Universitetinin 4 yataqxası mövcuddur. Yataqxanalar oğlan, qız və xarici tələbələr üçün ayrı-ayrı istifadəyə verilib. Bu yataqxanların ödənişi 50-80 manat arasnda dəyişir.

Özəl ali məktəblərin yataqxanalarının qiymətləri də fərqlidir. Bakı Avrasiya Universiteti yataqxanasının qiyməti 120-150 manat arasında dəyişir. Bu universitetin 5 mərtəbəli yataqxanası fəaliyyət göstərir. Yataqxanalarda şəhid və qazi ailələrinə, ailəsini itirmiş uşaqlara, o cümlədən sosial həssas qrupa aid tələbələrə xüsusi güzəştlər edilir. Qeyd edək ki, kirayə evlərlə müqayisədə yataqxanalar tələbələr üçün daha sərfəlidir.

Ülkər Abdurahmanlı