Gürgən qəsəbəsi 231 nömrəli tam orta məktəbdə keçirilən “UNUDULMAZ ALİM, MEHRİBAN ANA, QAYĞIKEŞ İNSAN” ADLI TƏDBİR KEÇİRİLDİ..
Gürgən qəsəbəsi 231 saylı tam orta məktəbdə Azərbaycan xalqının sevimlisi, dəyərli Zərifə xanım Əliyevanın doğum günü münasibətilə maraqlı tədbir keçirilmişdir.
Həyatda elə insanlar var ki, onların ömür yolu gələcək nəsillərin həyatına işıq saçır, xalqa tükənməz bir xəzinə bəxş edir. Bu dünyaya insanlara nur paylamaq, xeyirxahlıq etmək üçün gəlmiş Azərbaycan Respublikasının Əməkdar Elm Xadimi, tibb elmləri doktoru,Azərbaycan Elmlər Akademiyasının akademiki Zərifə xanım Əliyeva da məhz belə seçilmiş insanlardan olmuşdur. O, günəş qədər parlaq ürək sahibi, yüksək mənəviyyat, daxili zənginlik simvolu idi. Zərifə xanım Əliyeva, eyni zamanda müstəqil Azərbaycan dövlətinin memarı və qurucusu, bütün mənalı ömrünü Vətəninin və xalqının tərəqqisinə həsr etmiş dahi şəxsiyyətin – ümummilli lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olmuşdur. Bütün həyatı boyu ona pənah gətirənlərin gözlərinə şəfa verən Zərifə Əliyevanın alim kimi xidmətlərində bir məqam diqqəti xüsusilə cəlb edir. O, malyariya və traxomaya qarşı fədakarlıqla mübarizə aparan atası Əziz Əliyevin yolunu uğurla davam etdirmiş, oftalmologiya elminə çox böyük töhfələr vermişdir. Mövzu ilə əlaqədar “Unudulmaz alim, mehriban ana, qayğıkeş insan” adlı tədbir keçirildi. Şagirdlərin hazırladıqları kompozisiya tədbir iştirakçıları tərəfindən maraqla izlənildi.
