Respublika fənn olimpiadalarının informatika fənni üzrə final turu keçirilib
25 aprel tarixində Respublika fənn olimpiadalarının informatika fənni üzrə final turu keçirilib.
Təhsil İnstitutundan bildirilib ki, iştirakçılar ölkənin müxtəlif rayon və şəhərlərini əhatə edir. Final turu Bakı şəhərində Bakı Dövlət Universiteti və Azərbaycan Texniki Universitetində təşkil edilir.
Aşağı yaş qrupu üzrə 107 nəfər, yuxarı yaş qrupu üzrə isə 95 nəfər imtahanda iştirak edib.
Qeyd edək ki, cari ildə informatika fənni üzrə Respublika Fənn Olimpiadalarının final turunun ilk dəfə olaraq 2 gün ərzində-25-26 aprel tarixlərində keçirilməsi nəzərdə tutulub.
