Həbib Kərimovun sehrli çubuğu Emin Əmrullayevi ovsunlayıb

Sumqayıt şəhər İnternat tipli Gimnaziya qalmaqalları ilə daima gündəmdədir. Bu qalmaqallı söhbətlərin gündəmdən düşməməsinin əsas səbəbi gimnaziyanın rəhbərliyində olan şəxslər və onları qanadının altında qoruyan Həbib Kərimovdur.

Həbib Kərimov və “onun mələkləri” elə əməllər törədirlər ki, elə şər və böhtan atırlar ki, gələn şəxs öz istəyiylə ərizə yazıb çıxmalı olur.
Həbib Kərimov isə təhsil müəssisəndə yaşanan olayları ört-basdır etmək üçün məhz gecə saatlarında məktəbə gəlir və problemləri həll etməyə çalışır.
Məhz bu şəxslər nüfuzlu bir müəllimin adından nazirliyə yalan məktublar da ünvanlamışdılar.
Elm və Təhsil Nazirliyi də heç bu məsələni araşdırmadı. Olan həmin müəllimə oldu.
Həbib Kərimov və onun qanadı altında sığınanların özbaşınalıqları gimnaziyanın adını müfuzdan salmaqla yanaşı, insanların da nüfuzuna xələl gətirir.

Həbib Kərimovun himayə etdiyi şəxslərdən biri bacısını, qardaşını, arvadını işə düzəldib. Bu hadisə narazılığa səbəb olduqdan sonra Həbib Kərimov həmin əmri ləğv edib, lakin qoruduğu şəxsə bu məsələ ilə bağlı heç bir töhmət verməyib. Həmin qanadlarının altında qoruduğu şəxs təsərrüfat işləri üzrə direktor müavininin açarlarını əlindən alıb və aylarla verməyib. Bu məsələ ilə bağlı şikayət olunduqdan sonra açarları geri qaytarıb.
Həmin şəxs məktəbdəki şəhid və qazi ailələrinə də hörmət etməyib. Buna görə də şəhid və qazi ailələri bu şəxsdən şikayətçi olublar. Həbib Kərimov özü o şəxsin adından həmin ailələrdən üzr istəmişdir. Nəyə görə, həmin şəxs yox, məhz Həbib Kərimov üzr istəyir?
Ötən il yayda Həbib Kərimov gimnaziyada yoxlama aparıb və o şəxsin nöqsanlarını görə-görə görməzdən gəlib.
Həmin şəxslər dəfələrlə Həbib Kərimovun onları qoruduğunu etiraf ediblər və bu etirafı etməkdən çəkinməyiblər.
Hazırda gimnaziyada vəziyyət heç ürəkaçan deyil, dərslər keçirilmir, özbaşınalıqdır.
Yalnız pul davası gedir.
Nə dərslər, nə də dərnəklər təşkil olunur.
Vəziyyət belə olan yerdə bu gimnaziyada təhsil adına utancverici hadisələr yaşanır.

Ümid edirik ki, hazırladığımız məqalə, aidiyyatı qurumları bu məktəbdə baş verən qanunsuzluqları araşdırmaq və günahkarları cəzalandırmaq üçün hərəkətə keçirəcək.

TƏHSİL MEDİA