Tədris ili ərəfəsində aktuallaşan mövzu

Tədris ilinin başlanmasına 1 aydan az vaxt qalıb. Bölgələrdə yaşayan tələbələr indidən kirayə ev axtarışına çıxıb. Büdcəsi uyğun olmayanlar isə tələbə yataqxanalarına üz tuturlar. Bəs qiymətlər tələbələri qane edirmi?

Ancaq tələbələr deyir ki, bəzi hallarda yataqxanalarda qalmaq kirayə qiymətinə başa gəlir. Araşdırmalardan məlum oldu ki, tələbə yataqxanalarının qiyməti şəraitdən asılı olaraq dəyişir. Məsələn, Bakı Dövlət Universitetinin yataqxanasının 5 mərtəbəli binası 220-nəfərlikdir. Çamaşırxana, internet, oxu zalı, idman zalı və tibb məntəqəsindən ibarət olan yataqxana bir nəfər üçün aylıq 75 manatdır.
Azərbaycan Tibb Universitetinin isə 4 yataqxanası fəaliyyət göstərir. Onlardan biri isə əsaslı olaraq təmir edilir.
Bakı Avrasiya Universitetinin 4 mərtəbəlik müasir standartlara cavab verən qızlar yataqxanası isə ötən il təmir olunub. Bura 2,4 və 6 nəfərlik otaqlardan ibarətdir. Hazırda boş qalan yerlər üçün onlayn qeydiyyat aparılır.
Azərbaycan Dövlət Neft və Sənaye Universitetinin 320 nıfərlik yataqxanasında isə yaşayış haqqı otaq sayına görə dəyişir. Bu yataqxanada imkanı olmayan tələbələr Tələbə Həmkarlar İttifaqına müraciət edərək ödənişsiz şəkildə qala bilərlər. Bu yanaşma bütün yataqxanalar üçün prioritetdir.