ETN, DİM, ARTİ, TKTA və Emin Əmrullayev
Azərbaycan təhsil sistemində olan SİSTEMSİZLİK VƏ BİRLİYİN olmaması, hər bir qurumun öz qazancını güdməsi ciddi problemdir. Çünki nə qədər yenilik edilsə də, nə qədər gözəl layihələrə imza atılsa da, bu sistemsizlik və birliyin olmaması hər zaman mənfi və problemli təhsil yolunu yaradacaqdır. Heç bir uğur, nəticə, keyfiyyət əldə edə bilməyəcəyik.
DİM- davamlı hansı imtahanı keçirək ki, ordan gəlirimiz olsun deyə düşünür. Həmin imtahana hazırmıyıq, hazırlıq işləri görülübmü, ilkin baza təmin olunubmu heç bir düşüncə yoxdur. Çünki bunu etmədən öncə ən azından ARTİ və MÜTDA bilməli, tətbiqini təmin etməli, daha sonra dəyərləndirmə keçirilib ona uyğun qərar verilməli idi. Ya da həqiqətən bu imtahanlar bizə bir şey qazandırırmı? Günümüzdə demək olar ki, buraxılış və ali təhsil imtahanlarından başqa imtahan yoxdur. Uğurludurmu? Deyil. Çünki abituriyent-müdavim-iş yeri balanslaşması olmadığından açıq-aydın şəkildə sistemin çox uğursuz getdiyi görünür.
DİM Kembricə aid imtahanlar keçirir. Səbəb nədir? Keyfiyyət, səmərə, inkişaf inanın ki bu deyil. Xəyal dünyası ilə reallıq uyğun gəlmir. Elə bir tövlədə yaşayırsan, acından ölürsən amma ən son model maşın sürürsən. Kimə nəyi sübut edirik? Onsuz da uğurdan söhbət gedə bilməz. Nəticələrin təhlili əsasında hansı tədbirlər görülüb? Bu qurumlar arasında hansı sənədləşmə, qərarlaşma gedib? Siz heç bu qurumların rəhbərlərinin və komandalarının bir yerdə düşünüb orta yol axtardığını, təhsil üçün birlik olduğunu görmüsünüzmü?
ARTİ ACER təlimləri, İsrail, Amerika, Sinqapur təhsil Modeli deyir amma 18 ildə öz modelimizi formalaşdıra bilmir. Niyə bir model yaradılmadı? İnteqrasiya, dünya təhsil sistemi, deyib deyib dururuq, 18 il kifayət etmədimi ki, biz də model yaradıb tətbiq edək. Ancaq kitab, test, kurs, təlimlə əldə edilən gəlirlər əsasdır.
ACER gəlsim bir gün bizim qəsəbə, kəndlərə desin bu vəziyyətdən necə çıxaq, ya Sinqapur müəlliminə verilən dəyər, maaşı bizimkilərə verin. Sinqapur hara biz hara?! Bir baxın mentalitetə, bir baxın bazaya. Hamı 9 da peşə seçimini nəzərə alan baza biliklərə keçib biz isə hələ də uşaqların 10-11- ci siniflərdə dərsı gəlmədiyini bilə-bilə dirənmişik.
MÜTDA- da rüşvəti verəni, tanışı olanı görməzdən gəlir, qalanlarını da vəziyyətə uyğun əlində saxlayır. Eşqi Bağırov elə rüşvət yığmaq, ağalıq etmək, ona-buna hədə-qorxu gəlmək üçün keçib rəhbər? Bu necə yaşamadır? MÜTDA nə iş görür kənardan birindən soruşsan heç kim bilməz. ARTİ var, ETN var, DİM var. Yaxşı MÜTDA və TKTA niyə var? Hələ heç bir uğurlu nəticə, varlığına səbəb göstəriləcək tək bir iş belə yoxdur. Sadəcə hər şeyə bir az qarışır və sanki önəmli bir qurummuş kimi özünü göstərir.
TKTA isə ümumiyyətlə mənasız, tamamilə ləğv edilməyə məhkum bir qurumdur. Hansı ki, heç bir nəticəsi yox, rüşvətlə işləyən, mütəxəssisləri yox, xarici ölkələrlə, əsasən Türkiyə ilə işləyib edilənləri təkrarlayan amma buranın Azərbaycan olduğunu unudan və mədəni soyğunçuluğa xidmət edən bir qurumdur.
Bu qədər problemin başında isə, təbii ki, Emin Əmrullayev durur. Regionallar yaratdı, başına təhsillə əlaqəsi olmayan şəxslər qoydu. Oturub orda pul qazanıb, mal-mülk əldə etməyi düşünürlər. Ancaq fərqli yollarla pul qazanmaq, rüşvət, kurslarla anlaşıb miq Sertifikasiya buraxılış bütün imtahanlardan pul götürmək adi sənət işinə qəşəng pul qazanmaq və s.
Digər yaratdığı qurumlar da göz önündədir. Sadəxə olaraq parçalayaraq daha çox maliyyə qazancı əldə etmək. Kənardan baxanda getdikcə təhsilə artırılan maliyyə çoxalsa da, belə şeylərə görə hamısı itkiyə gedir. Hamısı bunların ciblərinə gedir.
Akadamiyanı ləğv edib, ETN adı aldı. Çox gözəl. E adını götürüb hansı işə imza atdı? E-yə aid maliyyəni də götürüb yedik. Bəs sonra???..
Nəyi edirik?.
Niyə edirik?.
