Azər Qazıyev haqqında cinayət işi başlandı

Mingəçevir şəhər 4 saylı tam orta məktəbin direktoru Azər Qazıyevin qanunsuz hərəkətləri ilə bağlı redaksiyamıza şikayət daxil olmuşdu. Bu barədə şikayəti tehsilmedia.info-a məktəbin Coğrafiya müəlliməsi Rahimova Həbibə edib. Şikayətə əsasən bu problem saytımızda dərc olunub. Həmin yazımızdan sonra Azər Qazıyevin qanunsuz hərəkətləri ilə bağlı Mingəçevir şəhər Prokrorluğunda araşdırma aparılıb.

Araşdırmaya əsasən 12 yanvar 2024-cü il tarixində Azərbaycan Respublikası Cinayət Məcəlləsinin 179.2.3 və 179.2.4-cü maddələri ilə cinayət işi başlanıb.
Hazırda cinayət işi üzrə stintaq davam etdirilir.
Xatırladaq ki, Azər Qazıyev direktor müəllimlərdən 50 manat rüşvət alaraq dərs saatını pulla satıb.
“9,10, 11-ci siniflər pul müqabilində məktəbə gəlmirlər. Yəni 3 gün dərsə gəlməyən 300, 5 gün dərsə gəlməyən isə direktora 500 manat pul verib. Bundan başqa Azər Qazıyevin həyat yoldaşı məktəbdə baş kitabxanaçı işləyir. Baldızı qızı isə təhsil ocağının katibəsidir. Qardaşı və digər qohumları da məktəbdə işçidirlər. Onun qardaşı məktəbdə işçi olsa da, üzünü heç bir məktəb kollektivi görməyib”.
Qeyd edək ki, şikayəti edən Həbibə Rəhimova şikayətinə baxıldığı və cinayət işi başlandığı üçün redaksiyamıza, Mərkəzi Aran Regional Təhsil İdarəsinə və Mingəçevir şəhər Prokurorluğuna öz təşəkkürünü bildirib.
O bildirib ki, mən şikayət etmək istəyəndə bu şəxs məni digər müəllimlər vasitəsilə hədələdi.
“Dedilər ki, O Azər Qazıyevdir. Onun pulu var və ona heç nə olmayacaq. Mən amalımdan geri dönmədim. Hal-hazırda Azər Qazıyev onun əleyhinə izahat yazan müəllimləri də sıxışdırır, təzyiq göstərir. Bu insan barədə cinayət işi tezliklə nəticələnməlidir”.