BDU-nun Tələbə Elmi-Texniki Yaradıcılıq Mərkəzi 3 istiqamətdə təlim məşğələləri elan edir - FOTO
Bakı Dövlət Universitetinin (BDU) Tələbə Elmi-Texniki Yaradıcılıq Mərkəzi 3 istiqamətdə dərsdənkənar təlim məşğələlərinə tələbə qəbulu elan edir.
BDU-dan "tehsilmedia.info"a bildirilib ki, təlimlərdə elektronika, proqramlaşdırma və 3D modelləşdirmə istiqamətləri üzrə məşğələlər aparılacaq. İştirakçılar nəzəri-praktiki biliklərə yiyələnməklə yanaşı, müxtəlif texnoloji layihələrin hazırlanma prosesində yaxından iştirak edəcək. Təlimlərdə yalnız BDU-nun tələbələri iştirak edə bilər. Tələbələr oktyabrın 20-dək müraciət edə bilərlər.
Müraciət edən tələbələr müsabiqə əsasında seçiləcək.
Təlimlər noyabrın 1-dən başlanacaq.
