Tanınmış sosioloq BDU tələbələrinə ustad dərsi keçib - FOTO
Bakı Dövlət Universitetinin (BDU) Sosial elmlər və psixologiya fakültəsinin Sosial iş kafedrasının dəvəti ilə tanınmış sosioloq İnqilab Şahbazov tərəfindən tələbələr üçün ustad dərsi keçirilib.
Bu barədə "tehsilmedia.info"a BDU-dan məlumat verilib.
Bildirilib ki, ADA Universitetində sosiologiya müəllimi kimi çalışan İnqilab Şahbazov Böyük Britaniyanın Kembric Universitetində “MPhil in Criminology” ixtisası üzrə magistratura təhsili alıb. O, “Tədqiqat metodları” kitabının müəllifidir və 8 ildən artıq tədqiqatçılıq təcrübəsinə malikdir.
Ustad dərsində tələbələrə həyata keçirdikləri tədqiqat nəticələrini təhlil etmək, məqalə formasında hazırlamaq qaydaları praktik nümunə əsasında izah olunub. Elmi məqalənin yazılması şərtləri, yerli və xarici elmi jurnallarda məqalə çapı üçün müraciət prosedurları ilə bağlı məlumatlar verilib.
Dərs prosesi zamanı tələbələrin sualları cavablandırılıb, mentor tərəfindən müvafiq tövsiyələr verilib.
