Türkiyəli professor ADU-nun qonağı olub
Azərbaycan Dillər Universitetinin (ADU) Pedaqogika kafedrasının nəzdində fəaliyyət göstərən İnklüziv Təhsil Mərkəzində təşkilatçılığı ilə Türkiyə Cümhuriyyətinin Necmettin Erbakan Universitetinin Təhsil fakültəsinin professoru Prof.Dr.Barbaros Yalçın ADU-nun qonağı olub.
Bu barədə "tehsilmedia.info"a ADU-dan bildirilib.
Qarşılıqlı fikir mübadiləsi şəraitində keçən görüşdə qonağla əməkdaşlıq əlaqələri, qardaş dövlətin ali təhsil müəssisələri arasındakı qarşılıqlı təcrübə mübadiləsi imkanları, həmçinin xüsusi təhsil üzrə mütəxəssis hazırlığı, xüsusi istedadlı şəxslərlə işin təşkili istiqamətləri və s. məsələlər müzakirə olunub.
Bildirilib ki, prof.Dr. Barbaros Yalçın yaxın günlərdə seminarla həm akademik heyət, həm də tələbə kollektivimiz qarşısında çıxış edəcək, bilik və təcrübələrini bölüşəcək.
